انا اخوكم على ابوالعزم ...... كنت بلاحظ دائما تساؤل بعض الاعضاء .. ازاى يخرج الباسس فى الفيراى .. ويعمل color correction and composit ويضيف بعض الافكت على after effect
دا عمل ليا ممكن تشوفوه الاول
وانا جاهز لأى سؤال او استفسار ان شاء الله
وياريت الكل يشارك .. وبالذات اللى عندهم الخبره ... علشان الكل يستفيد باذن الله..
والكل يعلم انى معظم الاعلانات والتترات بتتعمل بالمايا .. لتفوقه فى الناحيه دى ...!
وبرده معظم مستخدمين الماكس بيخافوا يقربوا من الفيراى .. عشان النويز والفلكر اللى بيحصل فى الانيميشن ..
لاكن لأ يا جماعه .. الفيراى دا حاجه حلوه اوى
وبيطلع شغل لول وجامد جدا بس للى يفهمه ..ودى صوره بتوضح ايه اهم الباسس اللى ممكن تطلعه وتستخدمه ..
وازاى بيطلع ..وامتا ميطلعش معانا بعضهم.. وليه ..
وهنتكلم عن الاضائه .. والماتريال .. والرندر طبعا ..
---------------
وهنتكلم عن compositing in after effects
وازى نجمع عليه شغلنا .....الخ
---------------
وهيكون فى scene هنشتغل عليه كلنا .. انيميشن طبعا .. الكلام اللى فات كله عن المتحرك ..
ياريت يا جماعه الكل يشارك ويتكلم ويطبق ويغلط ويصحح ....
احنا هنشتغل تحت شعار --- ممنوع الفرجه ---
والكلام هيكون كله بالعربى النبى عربى علشان الكل يفهم .. ويوصل بأذن الله ....
كده تمام توكلنا على الله ... واهلا بيكم كلكم ...
وماتنسوش ........... ممنوع الفرجه
خير الكلام ما قل ودل
... وكله بالعربى .. ----------------------------------------------------------------
اولا / لازم عشان شغلك يطلع جامد اوى وكله انعكاسات وحركات والذى منه .. تستخدم ملفات hdri ...
ولازم النسخ يكون انستانس مش كوبى لااااااازم ....
تمام .... نخش على اللى بعده ....
------------------------------------
طول ما انتا شغال وعمال تعمل تست وترندر ... قلل من اعدادات الرندر علشان الجهاز ميموتش منك ..
---------------------------------------------
تظبط اعدادات الرندر وامتداد الملفات و ال fps و الطول والعرض ......... على الاعدادات التاليه ..
اظن انى كلنا شرق اوسط pal ..
------------------------------------------------------
لازم تظهر حاجه اسمها السيف فريم وفى الافتر اسمها تايتل اكشن ... ليه ؟
عشان مش ترندر وتلاقى شغلك مقصوص على شاشة التليفزيون.... وحجات عامل فيها شغل جاااامد وطلع عنيك فيها ...
---------------------------------------------------------
تظبط ال fps مره تانيه بس المره دى على شريط الوقت ... علشان شغلك ما يحصلوش فلكر فى الافتر افكت .... او اى برنامج تانى ........
--------------------------------------------------------
الاضائه هتكون بالشكل داه .. واحده اساسيه ودايما بتكون من جهة الكاميرا .. والتانيه فرعيه ومكانها زى ما باين فى الصوره وبتكون اضعف ..
وطبعا ممكن تزود اضائه زى ما انتا عايز .اضائه للارضيه والباقى اكسكلود . للمجسم الفلانى وبشدة (..بلا .بلا..) وملهاش شادو ..... الخ .
وكله على حساب الرندر ..
وفى مشاريع هتتعمل من غير اضائه خالص ..الفقره الجايه ..dd:
------------------------------------------------------
اعدادات الاضائه .. فى حاجات على حسب احتياج السين ..
والباقى كما هوا موضح ...
-----------------------------------------------------
كده انتا ظابط المشروع بتاعك على اعلى مستوى ..
نخش على الباسس ..
هما الضرورى فيهم تسعه هنبدل اثنين وهما .. VRay_RawLighting يعى الاوكلوجن و ال VRay_Lighting .. ونستخدم مكانهم الصوره الاصليه اللى بتطلع .. اصلها بتطلع غصب عنك ..
----------------------------------------------------
المتريال id ..دى يا جماعه عشان تستخدم ماسك تقص بيه ... مثلا لو الارضيه عندك عاكسه ..
---------------------------------------------------
كله فى رندر واحد
http://www.pros3d.com/contents/artic...1-aboel3zm.rar
انا ارفقت السين اللى كنت بجهزه بجميع محتواياته .. حتى ملف الانيميشن والماتريال والهدرا ... بس ؟
لاغى كل الاعدادات وهوا دا اول تحدى .... عاوزكم تطلعوا نفس الباسس بتاعى ... واحسن واحد هيطلعه هوا اللى هيرندر ال 110 فريم كلهم
.....
وباذن الله هشرح كل باس هوا ايه وبيعمل ايه وهينفعنا فى ايه فى الكومبوزيت...
وهشرح خامة ال v-ray dirt .. وامتا نستخدمها وازاى ...
-----------------------------------------------------
بس شدوا حيلكوا ياجماعه عشان ربنا يكرمنا وندخل فى المرحله التانيه ... ممنوع الفرجه
,,,,,,,,,,,,,,,,,,,
انا خلصت السين الجديد الاخف اللى اتكلمت عنه بالامس ورندرته كمان .. :y: وهوا كالاتى ..
السين من غير اضائه يعنى لازم نستخدم ال v-ray dirt .......
الجديد .1- بنخفى الارض ونرندر الشغل عادى خالص بنفس الاعدادات السابق شرحها . ولاكن الباسات بتاعتنا هتكون كالاتى .
VRay_DiffuseFilter
VRay_MtlID
VRay_Normals
VRay_RawReflection
VRay_Reflection
VRay_Specular
VRay_ZDepth
الجديد ايه .. VRay_Normals .. ودا بنعمل بيه حركه جاامده اوى .. بنقدر ننور بيه المشهد فى الافتر افكت .. ودا فيديو بيوضح ..
2-نظهر الارض ونفعل v-ray dirt زى ما شرحت ونزيل الهيدرا من background من الكيبورد 8 ونلغى جميع الباسس . ورندر .
-------------
ملف الماكس والمتريال والهيدرا ..
http://www.pros3d.com/contents/artic.../drs049/17.rar
------------
دقائق وارفع الرندر بالكامل 135 فريم لكل باسس ....
------------
عاوز اشوف تطبيقكم فريم رقم 135 باذن الله قبل ما نخش على التقيل ..
ct: عاوز اتطمان ان كله عدى المرحله دى ومفيش مشاكل مع الماكس ...------------
بالنسبه لسؤال بعض الاعضاء .. ؟ ايه الفرق وليه نتعب نفسينا وخوتة الدماغ .. !
خد عندك ..
1-التحكم فى اضائة المشهد او المنتج بتاعك .
2-اظهار الماتريال بتاعتك يعنى الوان 100% بجد بتبقا تحفه .
3-التحم فى الانعكاسات من حيث الزياده او النقصان او ال blur ودا الوحده لو هتعمله على الماكس .. يلا السلامه .. واسال مجرب .
4-استخدام ال z-depth والتحكم فى الفوكس بيطلع شغل عالى جداً .
5- النويز والفلاكر .... هنا بيطلع شغل على ميه بيضا ..
وحاجات تانيه كتيره ابحث ونتا هتعرف ..
--------------
وفيه بعض الاعضاء بيسألوا عن البلاجن والاسكريبتات اللى بطلع شغل الباسس .. وليه منستخدمهاش ..!
انا محدش علمنى الرندر فى الفيراى .. كله عن تجارب وتفتيش وافتكاسات على راى حازم ..
وهرجع وقول تانى كله فى رندر واحد ... كل اللى بنحتاجه فى الكومبوزت $ ... الماكس والفيراى انا شايف انهم اتغلبوا على كووول البرامج التانيه فى النقطه دى .. ليه .. هنا هشرح ..
VRay_DiffuseFilter يعنى الباس الخاص الالوان .
---------------
VRay_MtlID وده زى ماشرحته فى الصور بتدى المجسمات id كلهم رقم واحد علشان يخدو لون واحد علشان دا هيستخدم فى الكومبوزيت mask نقص بيه .
--------------
VRay_Reflection الباس الخاص الانعكاسات .
---------------
VRay_RawReflection دا بقا مهم جدا وبنعمل بيه حاجات كتير ال blur .. وكمان بندى بيه تفاصيل ادق فى المجسم وبالذات المعادن والبلاستيك والارضيات العاكسه وحجات تانيه كتير اوى .. وكمان ممكن يعوضنا عن ال specular ..
----------------
VRay_Shadows ودا الباس الخاص ب الظل وبنعكسه ب ال blinding mood وبالمناسبه دا اهم حاجه هنشتغل عليها فى اى برنامج كومبوزيت .. .blinding mood ..
----------------
VRay_ZDepth دا الباس اللى ممكن نتحكم من خلاله بالفوكس وال depth of
field .
---------------
VRay_Specular دا الباس الخاص ب البريق .
---------------
VRay_RawLighting ودا احنا بنخرجه لما بيكون في اضائه وبيعوضنا عن ال occ .. والسين اللى مافيهوش اضائه غالباً بيكون خفيف ومش معقد علشان كده احنا بنعمله من غير اضائه وبنخرج معاه occ هنا بقا عن طريق خامة ال v-ray dirt عشان تعملنا الظلال .
--------------
.. بس احب اضيف حاجه ...
فى الرندر النهائى ممكن تزود adabtive subdivition ودا طبعا عشا الحواف تكون اكثر نعومه على حسب قدرة الجهاز انا معظم الرندر اللى بعمله 4 ؛ 6 ؛ 8 وال noise threshold .. بتخليه 0 بس هيفرق معاك كتيير جدا فى الوقت فيستحسن تخليه 0.005 ومش هتحس بالفرق .....ودا عشان النويز ونقاء الصوره ...
,,,,,,,,,,,,,,,,,
مع انى مش شايف حد طبق على السين التانى ..
الا انى عملت الشرح .. بس ياريت اشوف تطبيق على السين فى اخراج الباسس ... واشوف تطبيق على المرحله التانيه وهى الاتى شرحها .. عبارة عن 3 فيديوهات الاول عن البلند وكيف يتم استيراد الملفات داخل الافتر .. ودمج اليرات ...
--------------
الثانى / عن كيفية استخدام الباس normal ودمجه وكيفية استخدام light واضافتها للمشروع وكيفية تأثيرها على المجسمات داخل الافتر ... وتحدثت ايضا عن استخدام ال zdepth وبلاجن depth of field ...
--------------
الثالث / عن كيفية اضافة ظل للمجسمات داخل الافتر والعمل هنا سهل للغايه عشان مفيش موشن مفيش حركه للكاميرا فكانت الاضافه بسيطه ...
-------------
ان شاء الله بعد ما اشوف تطبيقاتكم ودى الملفات مره تانيه
ملفات الرندر الكامل
http://rapidshare.com/files/371324861/18-SEQUENCE.rar
http://rapidshare.com/files/371360504/18-sequence_2.rar
أو
http://www.pros3d.com/contents/artic...8-SEQUENCE.rar
http://www.pros3d.com/contents/artic...sequence_2.rar
135 فريم لكل باس معلش هوا كبير شويه بس شئ مفيد جدا انك تتعلم على شغل الانيميشن داخل الافتر هيفرق معاك كتير .
كنا بنقول ايه .. .. اه .. بعد ما أشوف تطبيقكم على ال 3 دروس هيكون فى تعمق اكتر فى سين اكبر وكيفية عمل تراك وتحريك الظل مع المجسم ودمج المجسم فى مشهد حى ومحاكاة الاضائه واستخدام اكتر لل normal والماسك والانعكاسات .... الخ ... ودمتم بود ..
---------------------------------
,,,,,,,,,,,,,,,,,,,,,,,,,,,,,,
الشرح الجديد ..
---------------------
--------------------
الكل يطبق . ويخترع . ويلغبط . ويبوظ . ويسال . ويصلح . . . هيطلع نظام جديد لشغله هوا بس ..
,,,,,,,,,,,,,,,,,,,,,,,,,,,
كل واحد هيطلع الباسس اللى محتاجها علشان يعمل زى الصوره ..
وبعد ما هنعرف ايه الباسس هنتكلم ازاى نكومبوزيت المشهد .. فى الافتر ..
الموضوع سهل خالص .
k:مرفق البروجكت + الهيدرا ..
http://www.pros3d.com/contents/artic...9/27-fanos.rar
اظن انى كده يا جماعه انهيت الورشه على خير .. الحمد لله ..
ازاى بنظبط الاعدادات بتاعتنا داخل الماكس ماتيريال . اضائه . كاميرا . باسس . ساف فريم . والفريم رات . اوت بوت سايز . رندر
الباسس فى الفيراى دلوقتى اصبحت سهل جداا على كل الناس انها تطلعه .. تم شرح معظم انواع الباسس وازاى بتطلع كله فى رندر واحد مش محتاج ترندر اكتر من مره .. الفيراى بيتفوق جداا فى النقطه دى .. دلوقتى مفيش مخاوف من الفيراى فى الانيماتكس ..
ازى بنستورد ملفات الانيميشن داخل الافتر وكيفية التعامل مع الباسس .. تم شرح النورمال ماب وكيفية اضائة المشهد فى الافتر واضائه الموديل .
ودى كانت نهاية الورشه والمرجو منها .. دلوقتى تقدروا تتابعوا مع حازم فى الورشه الثانيه بكل سهوله ودرايه تامه بما يدور ..
اى حاجه تقف امامكم انا موجود باذن الله
وربنا يوفقكم .. والسلام عليكم وحمة الله وبركاته ...
